A Consellería de Cultura convocou onte a través do DOG os Premios da Cultura Galega para 2011. Desta volta serán sete modalidades: Letras, Artes Plásticas, Artes Escénicas, Iniciativas en prol do Patrimonio Cultural, Promoción Cultural de Galicia, Música e Creación Audiovisual. O xurado estará integrado polo propio Conselleiro de Cultura, o presidente do Consello da Cultura Galega, o da Real Academia Galega, o da Real Academia de Belas Artes, o director xeral do Libro e catro profesionais "de recoñecido prestixio" designados pola Consellería. O premio non está remunerado economicamente.
