Cultura destina 413.000 euros a recuperar os mosteiros de Celanova e Oseira

A colaboración entre a Consellaría de Cultura e mais o Ministerio de Fomento a través do seu programa do 1% cultural permitirá desenvolver entre este ano e o seguinte traballos de rehabilitación e de conservación nos mosteiros de Oseira e mais San Rosendo de Celanova. En total investiranse nestes cenobios 419.064 euros. No caso de Oseira, as obras permitirán reparar as cubertas do claustro e diferentes aleiros. En Celanova, o investimento concentrarase na conservación dun conxunto de bens mobles conservados no mosteiro. Ao tempo, a Consellaría investirá 299.998 euros en obras de acondicionamento da Torre de Tovar, en Lourenzá, dos que un 70% chegan do programa Feder Galicia 2007-2013. Neste ben de interese cultural desenvolveranse traballos de consolidación, instalación de luz electrica e iluminación e reparacións de portas e xanelas.