As fundacións, asociacións e institucións culturais que desenvolvan actividades "destinadas á promoción e cooperación cultural e á difusión e animación sociocultural que contribúen ao espallamento e promoción da cultura en Galicia" na nosa comunidade poden optar ás subvención que anuncia hoxe a Consellaría de Cultura. A liña de axudas conta, ao igual que o pasado ano, cun orzamento total de 300.000 euros, aínda que Cultura sinala que o monto total podería ampliarse "en función das dispoñibilidades orzamentarias". Os interesados en participar destas axudas teñen un mes de prazo,contado a partir de mañá, para as solicitar.
