É a exposición máis completa que se fixo en Galicia sobre Menchu Lamas (Vigo, 1954), que regresa á súa localidade natal para exhibir unha escolma da súa ampla traxectoria artística. A exposición, que se pode ver na Casa das Artes, recolle o seu periplo artístico agrupado en dúas etapas. Dunha banda, esas primeiras obras bas que tendeu cara o minimalismo con ciclos como Lume, Lúa ou Eclipse. Da outra, esa tranformación que agromou pasada a primeira década do século XXI na que exhibiu un vitalismo cromático moi relacioando co imaxinario colectivo de Galicia. Unha proposta que fixo que ata John Rusell, crítico do The New York Times, a comparase con Joan Miró. Pinturas, intervencións en parede, obras recortable, debuxos e proxeccións completan este percorrido que se agrupa baixo o nome O tempo é un círculo.
