O Plan Director da Catedral ábrese ao público

Trátase do documento que detalla as accións para a conservación do conxunto arquitectónico. O Plan Director da Catedral está redactado tras de varios anos de traballo. Será ao longo deste ano cando se constitúa unha oficina técnica que dependerá do Cabido e que será a encargada de executar ese documento. Mentres tanto, o Consorcio e a Igrexa queren dar a coñecer o contido deste plan á cidadanía. Para iso, organizaron unhas xornadas (Hostal dos Reis Católicos, do 13 ao 16 de xuño) nas que participarán arquitectos, cargos eclesiásticos, escultores e investigadores. Ao peche deste ciclo de conferencias, abrirase no Pazo de Xelmírez unha exposición de carácter divulgativo sobre o Plan Director.