A quince días exactos de que se estree A ópera dos tres reás, acaban de poñerse á venda as entradas. O proxecto que xuntará no escenario a Luís Tosar como actor principal e a Quico Cadaval como director nun evento escénico e musical (inclúese dentro das actividades do Ano da Música) estará únicamente catro días no Auditorio de Galicia (en total, poñeranse á venda unhas catro mil entradas, nas que haberá que descontar as reservas para medios e personalidades). A partir de aí iniciarse a xira que o levará a ofrecer 16 funcións en Galicia e 21 fóra das nosas fronteiras. As entradas para ver este clásico da ópera moderna terán un prezo único de 15 euros, aos que lle hai que engadir os gastos de xestión.
