Equipo artístico de A ópera dos tres reás
“Ainda está moi nos inicios, non hai vestiario, non hai escenario, só apuntamentos do que vai ser” anunciou Quico Cadaval no ensaio aberto a medios da Ópera dos Tres Reás, a agardada montaxe do Centro Dramático Galego. O resultado final chegará ao público o vindeiro 23 de xuño no Auditorio de Galicia onde estará catro días. A partir de aí iniciará unha xira que o levará por outras localidades de Galicia, España (en Madrid estará dúas semanas) e están por pechar outros escenarios internacionais. A montaxe protagonizada por Luís Tosar e dirixida por Quico Cadaval manterá en galego os números musicais, aínda que traducirá o resto do libreto para a súa xira.
