A ópera dos tres reás é o espectáculo da temporada por moitos motivos (o tándem Tosar-Quico Cadaval, gran formato, longa duraciónÂ…) e xa ten data de estrea. Será na noite de San Xoán, o 23 de xuño, cando se presente a popular obra de Bertolt Brecht e Kurt Weill, baixo a dirección escénica de Quico Cadaval. Un espectáculo que contará con 17 intérpretes en escena (escollidos por convocatoria pública) entre actores-cantantes (Luis Tosar, Begoña Santalices, Marcos Orsi, Muriel Sánchez, Mónica de Nut, César Goldi, Alba Messa, VÃctor L. Mosqueira, Marta Pazos, Francisco Pérez "Narf" e Sergio Zearreta) e músicos (Pablo Castaño, Andrew Macneill, Adrián Viñas Alonso, Paco Dicenta, Vadzim Yuknevich e David RodrÃguez Rial). O director musical será o galego Diego GarcÃa RodrÃguez, quen chega de traballar no Teatro Real como director asistente de Josep Pons en The turn of the screw e de Paul Daniel en Król Roger.
