Os Equipos de Normalización celebraron os seus vinte anos

O Museo do Pobo acollía onte o acto de celebración do XX Aniversario dos Equipos de Normalización e Dinamización Lingüística (ENDL) en Galicia. O evento serviu para repasar a evolución destas entidades ao tempo que se fixeron diferentes chamamentos para continuar o traballo a prol da difusión e naturalización do galego. No acto rendéuselle homenaxe a Agustín Fernández Paz, sobre quen a actual coordinadora xeral dos END, Valentina Formoso, sinalou que “os normalizadores sempre vimos en Agustín Fernández Paz a ética e a dignidade na que cremos e na que queremos recoñecernos”. Na súa intervención, Fernández Paz recoñeceu o importante labor destas entidades e denunciou "o intento da Xunta de baleirar de contido a normativa sobre a lingua”