Ana María Moix, Jorge Edwards, Marcos Calveiro, Llucía Ramís, Iolanda Zúñiga, Sérgio Luís de Carvalho, Miren Agur ou Elena Medel, son algúns do escritores que participarán nos I Diálogos Literarios do Gaiás, que comezan mañá na Biblioteca de Galicia da Cidade da Cultura. O evento, organizado pola Fundación Casares, toma o relevo do encontro anual que se celebraba no pazo de Mariñán, e conta nesta ocasión coa colaboración do PEN Clube na súa organización. O evento desenvolverase ata o vindeiro venres 3 de xuño e no mesmo trataranse cuestións como a poesía e mais a novela na era de Internet.
