Unha homenaxe inicia na Coruña os VI Diálogos Literarios de Mariñán

Lembranza de Anxo Rei Ballesteros é o título do evento que inicia esta tarde, no Centro Sociocultural Caixa Galicia da Coruña (rúa Médico Rodríguez) os VI Diálogos Literarios de Mariñán. O ciclo, organizado pola Fundación Casares, está nesta ocasión coordinado por Román Raña e conta coa presenza de relatores coma Manolo Rivas e José Saramago, que compartirán mesa moderados por Rosa Aneiros, Gonzalo Navaza, Marianne Sandels, Manuel Forcadela ou Xurxo Borrazás. Os encontros transcorrerán ata o vindeiro 4 de xuño no Pazo de Mariñán.