Logo dun proceso de recolleita de material que peneirou nos arquivos públicos de Galicia e do Estado, nos arquivos privados (e tendas especializadas), así como nos fondos familiares dos vecinos, o concello de Cambre conseguíu reunir 14.000 imaxes. Parte dese traballo puido verse nesta localidade en catro exposicións (que acompañaron a outros tantas publicacións). Pero todo ese material xa se pode consultar en rede, organizado por datas, lugares, acontecementos e mesmo nomes de persoas. Este material contén desde retratos en formato “tarxeta de visita” da década de 1860, ata 3 imaxes esteroscópicas orixinais datas en 1895 (posiblemente de José Sellier). En total 14.185 imaxes fotográficas, máis unhas trescentas entre fotografías físicas, negativos, celuloide e en cristal.
