Ilustración de Siro López para a capa de Vivir un soño repetido
Membros da Asociación de Escritores en Lingua Galega achegaron a este Día das Letras a súa particular homenaxe a Lois Pereiro co volume Vivir un soño repetido. No mesmo compílanse poemas inspirados polo autor, así como revisións dos seus textos e mais fotografías e ilustracións orixinais. A obra está dispoñible para libre descarga no web da AELG. Entre os autores que participan no proxecto atopamos nomes como Arturo Casas, Baldo Ramos, Cesáreo Sánchez, Siro López, Estíbaliz Espinosa, Helena Villar, Lino Braxe, Lucía Novas, Mario Regueira, Marta Dacosta, Olga Patiño, Ramón Caride, Salvador García-Bodaño ou Siro López.
