Comeza na Universidade de Santiago o IV Ciclo de Teatro Comunitario

O papel que cumpre o teatro como vertebrador da vida asociativa a nivel local. Este é o eixe arredor do que xiran as IV Xornadas de Teatro Comunitario que comezan hoxe na Facultade de Filoloxía da Universidade de Santiago. O proxecto conta coa presenza de diferentes grupos de teatro afeccionado que amosarán o seu traballo ao longo das xornadas. Como obxectivo último, este encontro pretende ser o xermolo dun circuíto estable que permita coñecer os traballos que desenvolven os grupos amadores de todo o país.