Galicia é a terceira autonomía que ten máis fotos etiquetadas en Flickr

É a rede social destinada a fotografía máis popular do mundo. Flickr é un grande repositorio fotográfico no que cada mes se etiquetan preto de cinco millóns de imaxes. Nesa utilidade este agregador, existen 362.986 imaxes coa etiqueta “Galicia”. É a terceira comunidade, despois de Andalucía e Canarias. Cousa ben diferente se falamos da xeoetiquetación, é dicir, imaxes que o usuario identifica co lugar, cidade ou comunidade na que foi realizada. Neste sentido, Cataluña é a que máis imaxes ten xeoetiquetadas con millón e medio, seguida de Andalucía (770.000) e Madrid (420.000). Galicia está lonxe desas cifras, con só 30.000 imaxes xeolocalizadas.