A Xunta celebra o Día do Libro creando o premio libreiro cultural galego

Como o propio Día Internacional do Libro (23 de abril) coincidiu en plena Semana Santa, diferentes entidades trasladaron a celebración ao vindeiro mércores 27 de abril. Unha efeméride que a Consellaría de Cultura celebrará coa convocatoria do Primeiro Premio Libreiro Cultural Galego. Esta distinción pretende contribuir ao recoñecemento público das librarías que desenvolveran unha tarefa continuada de dinamización cultural e difusión do libro e da lectura. Ese mesmo día, Cultura publicará unha declaración institucional sobre esta materia e regalará un libro a todos os que se acheguen á Biblioteca da Cidade da Cultura.