A party informática máis coñecida de Galicia xa está en marcha. O Xuventude Galicia Net arrincou hoxe en Santiago no Pazo de Congresos e de Exposicións coas 1.500 prazas ofertadas esgotadas en tres minutos. Obradoiros, charlas, grupos de discusión, actuacións e concursos que se sucederán de xeito ininterrompido ata o vindeiro domingo. Malia que ten un aspecto eminentemente lúdico, existe un compoñente profesional, xa que as empresas aproveitan este tipo de citas para buscar talentos entre os asistentes.
