A USC presenta a súa libraría dixital

Medio cento de obras editadas polo Servizo de Publicacións da Universidade de Santiago en formato dixital, con descontos de entre o 30 e o 50% sobre o prezo orixinal. Esta é a tarxeta de presentación de Espazo Ebook, a libraría dixital da Universide que se presentaba esta mañá. O proxecto, segundo explicou Juan Blanco, responsable do Servizo de Publicacións, presenta as obras en formato pdf e epub cun sistema de dereitos DRM Social que facilita a súa lectura en diferentes soportes, como computadores, e-readers e teléfonos, e mais compartir os arquivos. Esta iniciativa súmase ao repositorio universitario onde se publican en formato electrónico obras libres de dereitos de autor, e mais da platorma Unebook, no que diferentes universides teñen a venda os seus libros electrónicos con DRM restrinxido. Blanco sinalou que a USC prevé integrar os títulos á venda nesta última plataforma con aqueles que ten dispoñibles na súa propia libraría.