Cultura dará axudas para asistir ao Saló del Còmic de Barcelona

As editoras El Patito e Retranca contarán con axudas da Consellaría de Cultura para asistir ao Saló del Còmic de Barcelona. O departamento da Xunta anunciou onte que apoiará a presenza de persoas e entidades neste evento con axudas ao desprazamento e mais a estancia. Ademais, persoal da consellaría como Daniel Buján, director da Biblioteca de Galicia, visitarán o evento nunha representación institucional. Segundo explicou o departamento de prensa, a decisión de non contar cun posto propio no evento tomouse tendo en conta a opinión do sector. A Dirección Xeral do Libro, Bibliotecas e Arquivos sinalou ademais que primará o apoio á creación de BD cos xa anunciados premios para obras realizadas en Galicia e en galego.