Mapa de Reiner e Josua Ottens 1725-1750
As máis recentes adquisicións da Biblioteca de Galicia en materia de mapas antigos compoñen a exposición Cartografía antiga de Galicia, que presentaba onte o conselleiro de Cultura, Roberto Varela. Na mostra pode verse unha importante selección de mapas que van desde as primeiras representacións do noso país no século XVI ata a mítica Carta Xeométrica de Galicia de Domingo Fontán. A través do material exposto pode comprobarse, ata o vindeiro 5 de agosto, o xeiton no que foi mudando a representación da nosa xeografía e das nosas costas.
