Unha selección de cartografía procedente da colección de Clodio González Pérez, depositada no Museo do Pobo Galego. Esta é a proposta que o centro achega ata o vindeiro 26 de maio baixo o título Galicia nos mapas antigos. Unha ocasión de verificar como foi mudando a representación do noso país ao longo do tempo, desde o mapa de Fernando Ojea de 1603 a posteriores retratos como os asinados por Giacomo Cantèlli da Vignola ou Tomás López.
