Unha mostra en Compostela amosa o legado cartográfico de Domingo Fontán

Innovación e Territorio. O legado de Fontán ao século XXI é o nome da exposición que abre esta tarde no Pazo de Fonseca, en Compostela. O proxecto percorre o traballo deste coñecido xeógrafo, a súa época e o proceso de elaboración da Carta Xeométrica de Galicia de 1834, un mapa que de xeito pioneiro empregou o sistema de triangulación para cartografar o país.