Hoxe pola mañá presentouse na Cidade de Cultura o III Congreso internacional sobre a Cultura Celta, que organiza o Instituto Galego de Estudos Celtas (IGEC). O congreso, que se celebrará no Pazo de Cultura de Narón entre o 15 e o 17 de abril deste ano, reunirá nesta vila a un conxunto de destacados expertos galegos e europeos sobre o celtismo e as súas manifestacións na lingüística, toponimia, arqueoloxía, xenética, historia ou arte. Para Héitor Rodal, presidente do IGEC, o congreso "busca redefinir a formulación teórica dos estudos célticos, presentando e discutindo estas áreas emerxentes en cada campo da historiografía".
