Aproveitar os contos para os máis novos para atacar os prexuízos sexistas. Este é o obxectivo da II Guía de Literatura Infantil e Xuvenil non discriminatoria, que presentaba a pasada semana a Secretaría Xeral de Igualdade. A obra recolle resumos e propostas didácticas de cincuenta obras na nosa lingua para público de entre 0 e 18 anos. A amizade entre nenas e nenos, personaxes femininos que rachan os esterotipos, denuncias do maltrato ou loita contra a discriminación polo físico son algúns dos temas que se tratan a través das distintas obras. A guía está dispoñible de xeito gratuíto no web de Igualdade.
