A Casa dos Peixes renova a súa oferta científica promovendo a interactividade e a actualidade

A vindeira semana o Acuario da Coruña estreará novos módulos relacionados co máis inmediato da ciencia. Serán espazos interactivos moi pensados para que o usuario participe da actualidade científica. De entre as propostas destaca Zona-i, un módulo que converterá ao visitante nun xornalista televisivo que terá o reto de expresar un feito científico coas súas propias palabras. Canda este novo contido, está Galerias da USC no mc2, onde se expoñerán os proxectos da comunidade universitaria , e Oceanosfera, unha bola do mundo que informa de distintos fenómenos medioambientais que se producen no planeta.