Comeza o congreso que fecha o Ano Novoneyra

A relación de Novoneyra coa paisaxe, os seus primeiros libros, a presenza do cancioneiro tradicional na súa obra, a lingua literaria do courelao ou a súa estancia en Madrid son algunhas das cuestións que se tratarán no Congreso Uxío Novoneyra. O encontro, que transcorre desde hoxe na sede da Real Academia na Coruña e remata sábado no paraninfo da Universidade, fecha as celebracións que se lle dedican ao poeta con motivo do Día das Letras Galegas 2010. Canda ás diferentes conferencias e coloquios, o programa inclúe tamén recitais poéticos.