Capa de Parece unha rosa, editado por Espiral Maior
Unha colección específica de poesía para nenos. Esta é a última aposta de Espiral Maior. Lúa Lueira sae á luz con edicións de Parece unha rosa de Rosalía de Castro e mais con Cantiga do Mazarico de Emilio Pita, nos dous casos con ilustracións de Isabel Pintado. O proxecto pretende explorar a vertende máis lúdica dos versos e, segundo nos explica Miguel Anxo Fernán-Vello, responsable da editora, pretende continuar recuperando versos para os máis novos da nosa tradición oral.
