Espiral Maior creará un selo para publicar en castelán poesía galega

Nunha entrevista concedida este domingo ao suplemento “Nordesía” de Diario de Ferrol Miguel Anxo Fernán-Vello anunciou que a súa editorial, Espiral Maior, vai crear proximamente un selo en castelán para distribuír no exterior a poesía escrita orixinariamente en galego. Segundo o poeta e editor o seu obxectivo é ampliar o mercado da nosa poesía e “abrir horizontes para proxectar a literatura galega no exterior a base de traducións.” Fernán-Vello tamén anunciou que para abril, coincidindo co Día do Libro, xa existirá na rede unha páxina web da editorial.

Máis información no suplemento Nordesía de Diario de Ferrol