A Casa da Cultura de Muxía ven de inaugurar a exposición Os rostros do mito, que organiza a Deputación de A Coruña e amosa a historia do Destacamento de Baler, os chamados "Últimos de Filipinas" que loitaron na guerra colonial entre EEUU e España a finais do pasado século. Entre os tres supervivintes dese destacamento atopábanse tres galegos, dos que se recolle a historia nesta mostra.
Contido da mostra
Os rostros do mito consta dunha serie de paneis informativos ilustrados con fotografías e debuxos que permiten coñecer diferentes aspectos do destacamento e os feitos concretos que levaron a que a súa loita pasase a ser cantada como unha heroicidade en España. Ademais ofrécense datos sobre as propias illas Filipinas e detalles da guerra.
Os supervivintes
Dentro da mostra préstase especial atención ó destino dos 33 supervivintes do asedio que sufriu o destacamento durante varios meses de 1898. Entre eles atopábase un soldado da provincia da Coruña, un de Lugo e un de Ourense. En Muxía preséntansenos detalles sobre a súa repatriación, datos biográficos e o impacto que causou o seu caso en España.
