O XVII Premio San Clemente xa ten finalistas

As novelas Futuro imperfecto, de Xulia Alonso Díaz, Denso recendo a salgado, de Manuel Portas, e Cabalo de ouros, de Victor F. Freixanes son as candidatas a facerse co Premio San Clemente en galego na XVII convocatoria deste galardón. Canda a elas, os alumnos de diferentes institutos galegos terán que escoller entre Riña de gatos, de Eduardo Mendoza Viaje con Clara por Alemania, de Fernando Aramburu, e Blanco nocturno, de Ricardo Piglia. Nos autores foráneos, quedaron finalistas La última noche en Twisted River, de John Irving, Correr, de Jean Echenoz, e Brooklin, de Colm Tóibín.