Francisco Fernández del Riego, recentemente falecido, será quen reciba este ano a homenaxe Os bos e xenerosos que realiza a Asociación de Escritores en Lingua Galega. O acto desenvolverase o vindeiro 19 de febreiro na Casa Galega da Cultura, en Vigo, onde representantes do mundo cultural galego darán discursos sobre a figura do intelectual galeguista e poderán verse videos sobre a súa figura. A conmemoración conta co apoio da Fundación Penzol, a Editorial Galaxia e o Concello de Vigo.
