Arquitecto de formación pero pintor de profesión, Luís Caruncho (A Coruña, 1929) é un dos artistas máis recoñecidos de Galicia. Fundou a galería Giannini na Coruña, dirixiu o centro de arte Kandinski en Madrid e colaborou na creación do Museo de Arte Contemporánea Gas Natural-Unión Fenosa. Agora, un nutrido grupo de escritores quere homenaxear a súa figura. Sera este xoves 10, coincidindo coa mostra que acolle a sala de exposicións do pazo municipal de María Pita. Lino Braxe, MIguel Anxo Fernán Vello, Yolanda Castaño e Cesáreo Sánchez son algúns dos escritores que participan nesta homenaxe.
