O presidente da Real Academia, Xosé Luís Méndez Ferrín visitaba onte Tui para presentar o número 369 do Boletín da institución que preside. Desta volta, a publicación céntrase na figura de Xosé María Álvarez Blázquez, que foi homenaxeado no Dias das Letras Galegas de 2008. O volume recolle as actas do congreso que naquel ano se lle dedicara a esta figura. De xeito curioso, a finais do pasado mes de decembro a Academia presentara o número 370 desta mesma publicación, dedicado a Ramón Piñeiro.
