A Real Academia Galega, en colaboración coa Consellaría de Cultura e o Concello de Tui organiza os vindeiros días 11, 12, e 13 de decembro o congreso Álvarez Blázquez. Este encontro, que quere culminar os actos de homenaxe que se lle fixeron este ano con motivo do Día das Letras reunirá algúns dos principais especialistas na figura deste autor e editor. Xosé Luís Méndez Ferrín, Manuel Bragado ou Xosé Ramón Barreiro entre outros analizarán as diferentes vertentes da súa obra e traballo.
