No ano 1988 o xornalista Manuel Rico realizoulle unha longa entrevista a Uxío Novoneyra para o programa Noroeste-Terra e Xente de Radio Nacional de España. Nesa conversa, Novoneyra recitou varios poemas que Radio Nacional, en colaboración coa Deputación Provincial de Lugo, recuperou nunha escolma realizada con Lino Braxe, quen tamén lle propuxo ao músico e compositor Manuel Balboa a interpretación de fondos musicais para a obra. Queriamos, sinala Braxe na presentación, "irmanalos nun proxecto común". Agora podes escoitar, tres poemas da selección: "Vietnam", "O corvo nuclear" e "A fiandeira / Pía Páxaro".
