Á inauguración do Gaiás reaviva o debate sobre os seus custos

O mantemento da Cidade da Cultura custará 2,5 millóns de euros ao ano, logo de que se abran os catro edificios previstos para este 2011. Os custos de auga, luz, limpeza e mantemento unha vez se rematen os seis edificios previstos ascenderán a 6 millóns, unhas cifras achegadas pola Xunta e que son inferiores a prognósticos previos. Pola súa banda, La Voz de Galicia cifraba esta fin de semana en 253 os millóns que xa se investiron no proxecto e adianta un desembolso mínimo doutros 46, que poderían ascender ata 221, segundo os cálculos do xornal.