As polémicas obras de acondicionamento que se están a realizar no contorno do templo da Veracruz, no Carballiño, están paralizadas. A Consellaría de Medio Ambiente acordou agardar a que se produza un consenso entre os grupos representados no Concello para retomar esta actuación, que provocara amplas protestas entre os veciños. Na actualidade, o principal debate está na titulariedade dos terreos afectados, que o arcebispado reclama como da súa propiedade, así como no impacto visual dun muro previsto no proxecto.
