O Parlamento rexeita a iniciativa lexislativa de Queremos Galego

Os votos do Partido Popular negaron onte a posibilidade de que o Parlamento tramite o texto que elaborara a plataforma Queremos Galego propondo unha maior protección para a nosa lingua. A proposición chegara á camara da man do grupo parlamentario do BNG, logo de que a cámara negase a posibilidade de que se tramitase directamente como Iniciativa Lexislativa Popular. A proposta contou co apoio deste partido e mais do PSdeG, que anunciara, no entanto, a súa intención de presentar emendas ao texto. Pola súa banda, o voceiro da plataforma, Carlos Callón, lamentou esta "oportunidade perdida" e chamou á sociedade a continuar a defensa da nosa lingua.