O proxecto dun hotel-spa no mosteiro de Oia recibe 3 millóns da Xunta

A Consellaría de Economía realizou unha achega de 3 millóns de euros ao proxecto de crear un hotel con spa no Mosteiro de Oia. Este proxecto, que acumula anos de atrasos, está aínda pendente de recibir a traída da auga. O investimento de Economía estará destinado á restauración do cenobio ao longo dos vindeiros meses. O concello comprometeuse a acometer en breve as obras de saneamento para darlle servizo a este complexo, que pretende ter 72 cuartos.