O Consello da Xunta aprobaba onte un investimento de 150.000 euros para adecuar o edificio que albergará o Museo do Entroido de Xinzo. Este proxecto museístico, nado hai preto de quince anos, acumula máis dunha década de atrasos. Recentemente, o Concello anunciaba o comezo das obras mercé a unha subvención da deputación de Ourense. En calquera caso, está previsto que os traballos de adecuación continúen en 2013, e fica pendente aínda a instalación do material do centro.
