A política de Xelmírez centra a primeira xornada do congreso sobre a súa figura

Fóra de se centrar na ordenación dos seus dominios en Galicia, Diego Xelmírez pretendía influír na política a nivel hispánico. O arcebispo enfrontouse a un momento de mudanzas no papel do papado e mais á conformación do sistema feudal na Península, o que o levou a ter que desenvolver unha estratexia de equilibrios e presións. Estas son algunhas das posicións que se expuxeron onte no congreso O século de Xelmírez que continúa ata maña na sede do Consello da Cultura Galega. A pegada do arcebispo compostelán na penetración do románico e na consolidación do Camiño de Santiago son algúns dos temas que se tratarán nas xornadas.