Intervención de Mar Vicente no edificio de Palexco
Cartografías Quebradas é o título co que arrincou o Outonarte 2010 na Coruña, unha colección de obras das cales as intervencións nas rúas poden verse ata o final de novembro e a instalación de Arturo Fuentes, as fotografías de Damián Ucieda, as curtametraxes de animación de Oqo Filmes na Casa da Cultura de Salvador de Madariaga, ata o 15 de novembro. O evento achega á cidade traballos de 14 artistas, que practican desde performances ou danza a intervencións no espazo público. Murais, edificios transformados, fotografías ou proxeccións son algunhas das propostas que se poden ver da man de creadores como Fruela Alonso, Andrés Pinal, Damián Uceda ou María Marticorena entre moitos outros.
