Outonarte exhibirá a obra de 29 artistas emerxentes galegos

Os obxectivos non son novidosos (promover a obra de artistas emerxentes galegos), pero a forma de facelo si que o é. A segunda edición de Outonarte, levará a obra de 29 artistas a escaparates e rúas da cidade da Coruña. “Queremos que a arte busque ao cidadán, non que o cidadán busque a arte” asegura Nilo Casares, comisario desta exposición. Pero a mostra tamén terá unha sede física tradicional, que será o Palexco, que terá lugar entre o 1 de outubro e o 1 de novembro.