A Real Academia Galega sairá en 2011 da precariedade económica na que estaba instalada nos últimos anos. Segundo se publicou hoxe mesmo, o Goberno Central fará unha achega de 1.000.000 de euros aos orzamentos de institución, equiparándoa por vez primeira coas academias vasca e catalana. A suma é o resultado unha moción pactada entre PSOE e BNG, e aparece reflectida na proposta de Lei de Orzamentos Xerais para 2011, pendente de votación. Canda a isto, a institución conta con dúas partidas nos orzamentos da Consellaría de Cultura para o mesmo período destinadas ao fomento de actividades culturais, que totalizan 235.475 euros a maiores.
