A unha semana de fechar o prazo para reservar postos (ata o 12 de novembro), a organización do Culturgal informa que medio cento de empresas participarán na Feira das Industrias Culturais. A organización, ademais, recibiu un total de 91 iniciativas para o encontro, que inclúen presentacións, proxectos, concertos, artes escénicas ou xogos entre moitas outras. Agora comeza un proceso de selección entre estas iniciativas con vistas a confeccionar o programa final, que se desenvolverá entre o 26 e o 28 de novembro en Pontevedra.
