María Wonemburger no Parque dos Menhires da Coruña. Foto: Xosé Enrique Pujales Martínez
A coruñesa María Wonemburger é unha das máis destacadas científicas do pasado século, pero pouca xente coñece o seu labor como unha importante figura mundial das matemáticas, no ámbito da álxebra. A Comisión de Igualdade organiza hoxe unha Xornada de reflexión e debate sobre a matemática galega María Josefa Wonenburger no Consello da Cultura Galega e elaborou no Álbum de Mulleres de culturagalega.org un amplo especial que profundiza na súa vida e obra.
