Xosé María Fernández Pazos. Foto: Código Cero
Xosé María Fernández Pazos é unha das persoas que máis leva traballando pola difusión de Internet e das novas tecnoloxías na sociedade Galega. Desde o seu traballo na Radio Galega ou desde o web e as páxinas de Código Cero, este xornalista é unha referencia para estar ao día dos últimos adiantos tecnolóxicos ou das tendencias na rede.
¿Cando coñeciches o portal?
Desde o primeiro día. Daquela facíamos un programa na Radio Galega que se chamaba Código e precisamente entrevistamos ao director cando saíu.
¿Como o ves na actualidade?
Paréceme moi útil. Evolucionou moitísimo desde as súas orixes, pero penso que vai pola liña axeitada. En xeral está moi ben estruturado, é sinxelo atopar as cousas e o buscador funciona ben.
¿Que pensas que lle falta?
Penso que o facedes moi completo, non vexo qué lle poida faltar. Ás veces tarda un pouco en cargar, ás veces vai a modo.
¿Hai algún servizo que empregues habitualmente ou algún contido que lembres de xeito especial?
Adoito mirar de todo un pouco. Especialmente o de audiovisual é o que máis me interesa polo meu traballo. Habitualmente ollo a portada e logo entro nalgunha cousa que me interesa.
