Capa do número de Retranca dedicado á visita do Papa
O número que a revista humorística Retranca lle vai dedicar á visita do Papa a Santiago podería non chegar aos quioscos. O dono da imprenta Jiménez Godoy, en Murcia, comunicoulle ao director da publicación, Kiko da Silva, que non lle entregará os exemplares xa impresos. Como causa, o responsable sinalou, segundo Da Silva, que non o fai por ir en contra das súas conviccións morais. Desde Retranca anuncian que outra imprenta está xa a traballar para unha nova tiraxe do número. Da Silva presentara precisamente onte no Salón do Cómic de Cangas o novo número da publicación e convocara para o vindeiro sábado 30 unha festa para celebrar o terceiro cabodano da mesma.
