Retranca chega ao 11 e anuncia festa

O "outono cultural" protagoniza a capa do número 11 da revista Retranca, que retoma a súa actividade logo do descanso de setembro. O director, Kiko da silva, anuncia tamén que o vindeiro día 31 de outubro celebrarase, no Café Moderno de Pontevedra, o I Cabodano da publicación, xa que "fai un ano moitos crían que a Retranca estaba morta e que a nosa revista duraría dous telexornais". A coincidir co evento, Retranca Editora abrirá a súa nova sede na Rúa Peregrina desta mesma cidade.