O Punisher de Das Pastoras xa está en castelán

Xa está nas librarías o volume 13 da serie Max Punisher, no que se pode ler a historia breve que realizou o galego Das Pastoras sobre este coñecido personaxe. A historia, titulada orixinalmente Gateway, conta con guión de Gregg Hurwitz e fora publicada en Estados Unidos dentro da obra Frank Castle Max 75. Pola súa banda, no volume colectivo Z-Time, que acaba de presentar o Barricada Cómics Group, atopamos tamén representación do noso país. Os guionistas David Braña e Anna Raven, e o debuxante J.A. Ares "Pater" achegan as súas visións sobre os non mortos a través do tempo.